Pedras de Cartón presenta a historia do Lazarillo de Tormes contada por primeira vez con máscaras nunha comedia sen palabras para gozar en familia. As aventuras e desventuras do Lázaro de Tormes inauguraron un xénero literario chamado Picaresca en honor ao seu protagonista, quen presenta a súa historia en forma de epístola. Non sabemos quen era o destinatario desta carta nin tampouco coñecemos o nome do seu autor. Foi así porque quixo protexerse dunha sociedade crúa que nesta peza amosa de forma crítica?