Anxo Araújo achega unha proposta de pop melódico con sintetizadores e presenza de ventos como sinal de identidade. Un directo vibrante e atmosférico do que a música popular é parte importante. Reminiscencias de folk e da música tradicional galega nos marcos das cancións e unha temática que vai do íntimo e máis persoal ao social e comunitario. Anxo Araújo firma un proxecto introspectivo e luminoso que medra con cada escoita. En 2020 publica o seu primeiro traballo de estudio “Plan de urbanismo para un novo couto misto” (Unha casa calquera Poio – Ultramarinos Costa Brava). En 2023 publica os sinxelos “Porque tivemos que discutir” e “Esta noite de San Xoán” adianto do segundo disco que verá a luz en 2024.
Proxecto nomeado ao Mellor grupo de Pop indie nos Premios Martín Códax da música galega.
Proxecto seleccionado no MUMI - Feira de músicas do Minho 2023