Momboi ven de gañar os Premio Martín Codax da música galega este ano 2023 na categoría pop e inde. 'Ofrenda' (Bungalow Studios, 2019) foi o seu debut discográfico e, tres anos despois e logo do adianto dos sinxelos Acacias e Teresiña, a banda publicou o seu primeiro LP 'Vacacións en Ornanda' (MaySound Producciones, 2022).  Un disco tenro que transita pola beleza dos lugares comúns ao compás de medios tempos e pasaxes melódicas e co que a banda de Noia consolidou un son persoal no que mestura o folk-rock cos ritmos latinos e a tradición galega. Veñen de lanzar Último baile, un novo single gravado nos Estudios Mans a ritmo de bachata. 

En 2023 gañou os Premios Martín Codax da música gañega na categoría pop e inde. En 2022 foi unha das bandas gañadoras do concurso Sonidos Mans e un dos grupos finalistas do certame Interritmos: Sons do Rural.

Momboi presentou Vacacións en Ornanda, con presencia en festivais tan relevantes como o Atlantic Fest de Vilagarcía de Arousa entre outros. Momboi foi unha das bandas seleccionadas para formar parte da Feira de músicas do Minho MUMI.

En 2022 ‘Teresiña’ foi seleccionado no XIX Festival de Cans de curtametraxes como un dos mellores videoclips do ano.

GALERÍA DE IMAXES

Brais Sánchez: voz principal e guitarras
Beny Mayo: batería
Daniel García ‘Carba’: baixo eléctrico e voces
André Garabato: teclado e sintetizadores
Carlos Freire: Percusións