A Ukestra do Medio é unha proposta ecléctica con influencias de rock’nroll, country, swing, pop e surf. Ademais dos característicos ukeleles e as voces, a banda incorpora o caixón, a táboa de lavar, o güiro e o xilófono. Un compendio de instrumentos miúdos a través dos cales marcan o ritmo de pequenas historias sobre o amor, as expectativas truncadas ou os tempos pasados.
O grupo de Compostela naceu en 2013 versionando temas de diferentes estilos musicais. En 2017 editan em princípio… e en 2020 publican Outras Lérias, un disco que conta por primeira vez con cancións propias, todas elas en galego. En 2022 a Ukestra lanza Histórias Cativas e afianza a súa aposta polas composicións do grupo.
O 2 de febreiro de 2024, Día da Candeloria e Día Internacional do Ukelele, a Ukestra do Medio uniu as dúas efemérides para presentar A Candelória, un novo single como adianto do seu próximo disco que verá a luz os próximos meses. O tema ven acompañado dun video de Coral Piñeiro.