BERROBAMBÁN

Berrobambán é unha das compañías teatrais galegas máis consolidadas do panorama galego. Dende o ano 2.000 producen un total de dez espectáculos teatrais para público familiar, entre os que destacan Boas Noites, Bicharada ou O Refugallo e que tiveron un notable éxito de público, converténdonos nunha das compañías galegas con maior número de espectadores. Teñen participado en programacións de Galicia, España, Portugal, Corea e Canadá e, polo medio, organizan o Asteroide B-612, a primeira programación familiar estable en Galicia e o Circo-lar, unha programación familiar para a Consellería de Cultura. O CDG encárgalle A Cabana de Baibaiga, a adaptación dun conto ruso con moita, moita música. Tamén realizan espectáculos de animación á lectura que os levaron por moitas bibliotecas e centros educativos. Neste tempo estrearon catro espectáculos para público adulto; NdC., Vendetta, Pressing Catch e Avestruz en terra allea. Xurdefet é unha das súas últimas creacións para o público infantil e familiar, xunto coa obra de teatro xestual Adeshoras ou Acouga, obra na que se estrean no campo das montaxes para o público bebé.

Pin It on Pinterest

Comparte