Coreografías dun DeMente é unha adaptación DeMente, o espectáculo longo da compañía de danza Fran Sieira, pensado para ser interpretado en rúa pero tamén en teatro ou en espazos non convencionais. A peza ten unha duración de 30 minutos nos que se concentra a esencia das coreografías de DeMente. En 2023, a peza estivo programada no Festival Internacional de Teatro de Manizales (Colombia), a Fira Mediterrània de Manresa (Catalunya) e a Red Acieloabierto, a rede estatal de festivais de danza contemporánea en espazos non convencionais. Coreografías dun DeMente foi seleccionado tamén no programa Danza a Escena formando parte do catálogo nacional de danza, e ten participado en festivais como o Festival Sismográfic de Olot ou o Festival corpo(a)terra de Gondomar.