Ondamini é un espectáculo que pon especial atención na primeira infancia, con ritmos e cancións pensadas para os primeiros anos de vida. A iniciación da vida cultural das familias é moi importante, e por iso nace Ondamini, un espazo de convivencia para aprender a cantar e a compartir.
Mamá Cabra fai un casting musical entre o público miúdo. Búscanse músicas de 1 a 6 anos, a mellor idade para arrancar a cantar e bailar. Músicas con enerxía de cabra, ritmo de cabra e moitas, moitas ganas de facer a cabra. Cancións para movernos, para bailar, para cantar. Un repertorio interactivo que busca a participación e o xogo con música. Cantos para non deixar nunca de ser nenas e nenos.