Lembra Xabarín é un tributo do grupo Priscila á música do Xabarín Clube, unha proposta para toda a familia que rememora os anos oitenta e noventa a través da música que encadenaba os capítulos dos debuxos animados no Xabarín clube. Daquela, falar galego era rock&roll, era punk, era desafiar ao sistema.
Lembra Xabarín convídanos a unha viaxe temporal, musical e lingüística a través dos Heredeiros da Crus, Aerolíneas Federales, Os Diplomáticos de Monte-Alto, Victor Coyote, Blood Filloas, La Marabunta ou Siniestro Total.