Alana, o trío formado por Antía Vázquez, Eloy Vidal e Pablo Castro, nace en 2023 co obxectivo de poñer en valor a nosa música tradicional. A súa proposta parte de recollidas, un traballo feito coa colaboración de moitas mulleres e homes que desinteresadamente contribúen a preservar a riqueza da música e da tradición.
O xeito á cántigha é o seu primeiro disco, un traballo de 14 temas baseado en cancións tradicionais acompañadas de ritmos de base electrónica e pop. O estilo de Alana vén moi marcado pola importante presenza no directo das percusións tradicionais, así como melodías que nos invitan en todo momento ao baile. Son os gañadores dos Premios Xuventude Crea 2023 na categoría de música.