A fusión de ritmos indíxenas arxentinos, folclore galego e produción electrónica contemporánea é a carta de presentación de Catuxa Salom, unha artista galego arxentina que irrompe con forza na escena independente coa publicación do seu EP ‘Nunha aldea’, converténdose nunha das máximas referentes do pop electrónico de raíz. O seu primeiro disco ‘Caldo’ valeulle recoñecementos como o premio Martín Códax da música galega ao mellor proxecto de Músicas do Mundo.