QUEN SOMOS

SOMOS A URDIME

URDIME é o conxunto de fíos paralelos que se manteñen en tensión nun ​marco ou tear, formando a base necesaria para que ao entrelazarse coa trama sexa posible a creación dun novo tecido.

Se nos atemos ao significado, “URDIME” nace froito da unión das sinerxias de varias profesionais da xestión cultural, construindo pontes e camiños que xuntan coñecementos e enerxías, co fin de xestionar proxectos culturais.

Tecemos entre todas un equipo de persoas, á disposición da cultura, que dispoñen das ferramentas necesarias para levar a cabo propostas culturais, que achegan a todo o territorio galego artistas de larga traxectoria e novas compañías, mantendo unha actividade profesional de comunicación constante e creativa para achegarnos á comunidade.

A nosa URDIME componse de tres fios básicos:

ACCIÓN CULTURAL

Entre os principais labores que realiza URDIME están o deseño de eventos culturais e o asesoramento ás institucións, tanto públicas como privadas, na contextualización de proxectos e na execución dos mesmos.

 

DISTRIBUCIÓN

En URDIME, intégrase unha das principais distribuidoras de artes escénicas de Galicia especializada no ámbito infantil e xuvenil.

PRODUCIÓN E EVENTOS

Lévase dende dentro da propia Urdime a execución de todos os proxectos deseñados, pois dispoñemos tanto dun equipo profesional de produción coma das infraestruturas precisas para levar a cabo a construción de cada evento.